Sharmila Tagore para poila jamana aro etya laga jamana te actor khan time ke value kora laga bari te koisey

New Delhi, June 26 : Indian Cinema laga etihas laga ekta sobsey behtareen actress aro Padma Bhusan award pa actress Sharmila Tagore para recently tailaga homoi laga star(mashoor actor) khan laga kotha koisey kun khan homoi ke value koranai. Tailaga homoi aro etya laga homoi laga actor khan para example loikina Sharmila para koisey ki kinaka Bollywood te time ke loikina sobkuch bodli hoijaisey. Sharmila para koisey ki Hindi film industry tu sobsey bisi discipline thaka wala asey. Aro koisey, “Apni Ranveer Singh hoilebi Ranbir Kapoor hoilebi judi apni film shooting nimitey late hoisey koiley apni ke reconsider kuribol(film te lobo na nai etu aro ekbar bhabna kuribo).” Sharmila Tagore para etu interview te reveal kurisey ki Shashi Kapoor tu first actor thakisey kun homoi te pungchi thakisey. Aro Amitabh Bachchan tu ek kadam agey thakisey kilemaney tai tu kun bi nupungcha ageyte pungchikina thakey, safa safi kora manu khan para bi agey. Sanjeev Kumar laga mamla te toh apni para taikey homoi suggest hey kuribo parey. Hoilebi sob manu Rajesh Khanna tak bi late pungchi thakey. Aro etu nimitey set te tai logotey sob manu bi dukh pai thakisey. Aro tai utu homoitey ekta kaam kuri thaka ama thakisey. Tai tu 100 opor film te kaam kurisey. Sharmila Tagore tu Waqt, Daag, Amar Prem aro Chupke Chupke nisna film khan te kaam kurisey. Tai para koisye ki  film shoot nimitey homoitey pungcha laga problem tu etya change hoijaisey. Kilemaney etya tu poisa laga sawal asey. Aro taikhan para ekta contract banai kuntu te koikina thakey ki actor khan 10 ghonta nohoile 8 ghonta kaam kuribo. Aro etu hisap te taikhan chahey din laga 2 pm nohoile shaam laga 4 pm te shoot suru kurisey koilebi next 10 ghonta tak continue kuribo lagibo. Sharmila Tagore tu cricketer aro British Raj laga homoitey Pataudi rajya ke rule kora akhri raja Iftikhar AliKhan Pataudi ke shaddi kurisey. Takhan laga 3jun baccha asey- Saif Ali Khan, Soha aro Saba.