Shashi Tharoor para Rahul Gandhi keh praise kuri shae

July 31, 2024: Rahul Gandhi laka body language para tai tho ‘in charge’  deh ase kui nah dikai ase aro tai tho Centre deh taka BJP-led NDA government laka against jabo leh ‘willing’ ase kui nah dikai, Shashi Tharoor laka isap deh. Shashi Tharoor tho ex-Congress chief laka colleague ase party aro Lok Sabha deh. “Lok Sabha election result piche deh, tai tho busy ase. Tai tho sob manu karne aro accessible ase. Tai tho aro Parliament deh bishi wak participate kureh takeh. Tai tho aro bishi wak sob jaka deh involved takeh. Body language aro tai kinaka function kuri ase, etu tho party pitor deh bishi convey kuri ase, tai tho charge deh ase aro BJP keh lubo leh willing ase kui nah,” Tharoor para The Indian Express keh kui shae. Tharoor para taikan laka last tuita term nishi nah majority nai kui shae aro opposition laka numbers b uhti jah tho, saffron party-led government kan opposition keh consult nakuri nah bill pass kuri bole dictar hoo kui shae. “Mukan laka strength tho itia double hui nah ase. Utu para ekta difference banai. Bulldozer tho BJP laka politics style kanre hotai ekta metaphor taki nah ahi ase. Last time opposition kan hala kuri nah b, taikan eni bill tho pass kuri deh. Itia tho dictar taki bo,” senior Congressman para kui shae.