Shatrughan Sinha para koisey Sonakshi para tailaga shaddi laga bari te taikey eku kuwanai

New Delhi, June 11 : Shatrughan Sinha tu akhirkar tailaga chukri actor Sonakshi Sinha para tailaga boyfriend aro actor Zaheer Iqbal logotey shaddi kuribole laga khobor te kiba koisey. Zoom logotey kora ekta interview te, Shatrughan Sinha para dawa kurisey ki tai para tailaga chukri laga shaddi laga plan laga barite kunke kotha koranai. Tai para etu bi koisey ki jitya etu  duijun(Sonakshi aro Zaheer) para jitya taikhan ke shaddi laga jankari dibo tai aro tailaga maiki para taikhan ke asirvad dibo. Sonakshi aro Zaheer laga shaddi laga bari te kotha kurikina Shatrugan para koisey ki tai tu eku najanikina thakisey. Tai para koisey, ki tai etya Delhi te asey. Election laga result ola picheyte, tai flight para tatey pungchisey. Tai para tailaga chukri laga plan laga barite kunlogotey bi kotha koranai. Tai para koisey ki tai para media te tailaga chukri laga shaddi laga bari te kiman purisey eman hey janey.  Actor-politician Shatrughan para etu bi explain kurisey ki tailaga chukri logotey nijor laga faisla lobole laga haak asey. “Taikhan para tailaga faisla laga opor te pura puri biswas asey. Tai tu kitya bi kanoon laga bahar te nohoilebi illegal faisla nolobo.” Tai para continue kurikina koisey, “Jitya bi amilaga chukri shaddi kuribo, ami baarat laga agey te nachi thakibo.” Shatrughan Sinha para etu bi dohraisey ki tai bi tailaga chukri ke shaddi laga barite taikey kobole rukhi asey. Report hisap te, Sonakshi aro Zaheer laga shaddi laga invitation taikhan laga close friends ke patahaidisey. Aro ‘Heeramandi’ laga pura cast ke bi invite kurisey.