Sheikh Hasina laka bacha para taila ama kile Bangladesh chari shae kui shae

August 6, 2024: Former Bangladesh prime Minister Sheikh Hasina laka US based son Sajeeb Wazed Joy para taila ama, country chara deh react kuri shae. Joy para taila ama tho chari bole mun taka nai kui shae, hoile b taila safety reasons karne kuri bole laki jai shae kui shae. Joy, kun Hasin laka chief advisor taki shae, tai para NDTV keh taila ama tho “good spirits” deh ase kui shae, hoile b “disappointed aro bun dikai nah ase kui shae”. “Bangladesh keh ekta developed country bana bole taila sapna taki shae aro etu achieve kuri bo karne, tai last 15 sal karne kam kuri nah ahi ase. Tai para Bangladesh keh militant aro terrorism laka hath para b bajai di shae. Etu kan kuri nah b etu vocal minority, opposition, militants para itia power chini nah ase,” tai para kui shae. Joy laka isap deh, Sheikh Hasina, country laka rasta deh khun kan nikiri bo karne Bangladesh chari di shae kui shae, India Today para report kuri shae. News organisation keh kotha kura time deh, Joy para Hasina tho August 3 deh resign kuri bole decide kuri shae kui shae, hoile b protestors kan ekta peaceful transition hobo dibo mun taka nai. “Tai eku gulti kura nai. Tai country karne taila sobse best di shae. Tai irons hath lokot deh militancy laka against kili shae. Tai itia 77 sal ase aro itia tho taila grandchildren lokot deh time spend kuri shae,” Joy para India Today keh kui shae.