Agencies, 28 September: Bangladeshi Prime Minister Sheikh Hasina pora Myanmar logode kelaf kori kena ase. Mayanmar logode kelaf kora toh Rohingya Muslim refugees khan logode korai naloijaa pora ase. Sheikh Hasina pora Rohingya Muslim toh tai khan laga desh pora polai kena Bangladesh de ase koise. Thursday din pura duniya laga leader United Nations de jama hoi kena thaga jaga de Hasina pora Rohingya Muslim laga kotha janaideya thakise. Etu time de UN Human Rights Council pora be team bonai kena saboot jama koribole janaideya thakise. Hasina pora Rohingya manu khan dukh pai thaga de duniya manu khan dhanda pora thakibole na-paribo koise. Etu agae de Hasina pora duniya laga leader logode kotha kora thakise aro etu laga chamala toh phal pora kothom koribole janaideya thakise. Tai pora Myanmar’s minority Rohingya Muslim community laga 1.1 million members logode Bangladesh pora host koribo koise. Aro humanitarian organisations de UN agencies be meli-kena Rohingya logode food, clothing, healthcare aro security de ase koise. Aro tai khan khor, education aro tusara services debole kum kori ase koise. Etu laga plan de Hassina pora be international organisations logode motob koribole janaise. August, 2017 time pora besi phak Rohingya toh Bangladesh de ahha thakise. Tai khan ahha toh Rohingya militants pora hamla kora pora ase.
Add Comment