Agencies, 30 July: Businessman Raj Kundra toh Bollywood actor Shilpa Shetty laga moda (husband) ase aro tai ke toh Mumbai police laga crime branch para July 19 te arrest kora thakise. Tai ke arrest kora toh pornographic films bona aro etu toh konbah apps te publish kora case te arrest korise. Mumbai crime branch para case te investigation suru kora toh February 2021 te konbah victims para Malwani police station te approach kora bechite ase. Actress Sherlyn Chopra para anticipatory bail nemite applied korise kelay koile investigation loi thaka te arrest hoijabole bhoi para. Hoilebe tai laga plea te reject korise.
Thursday te Mumbai te ekta court para actress Sherlyn Chopra laga pre-arrest bail application te reject korise. Actress para etu hapta agae te court te anticipatory bail application toh through tai laga lawyer Siddhesh Borker para agae loija thakise.
Police para etiya tak cases te komti hoilebe 11 manu ke arrest korikena ase koise. Kundra aro tai laga associate Ryan Thorpe toh cases te accused ase koise. Tai khan toh aji kali judicial custody te ase koise.
Add Comment