Austria, 14 January : Mikaela Shiffrin Tuesday din Austrian resort Flachau te slalom event te jiti kene winning track te wapas ahise. Tai US laga ekta-one finish lead korise, Paula Moltzan te logot, aru itu tai laga career laga record extend kora 107th World Cup win hoise.
World Cup Alpine skiing laga sobse successful skier Shiffrin, first run pichete Moltzan te 0.19 second age thakise aru icy aru rutted piste te floodlight laga night race laga duita leg milai advantage tu 0.41 second te loi jaise.
Itu Shiffrin laga itu season laga seven ta slalom pora sixth win hoise aru Flachau te tai laga career laga bhi sixth win ase. Itu win tu ahise etu mahina age Kranjska Gora te Switzerland laga Camille Rast pora haribo pichete.
Eitya American skier laga slalom te total 70 ta wins aru itu discipline te 96 ta podium finishes hoi ase.
Austria laga Katharina Truppe third position loi podium complete korise, Rast fourth place te thakise, jitia next mahina Milano Cortina Olympics dhire-dhire kachor ahise.
Games age, mahila laga khali ekta slalom baki ase – January 25 te Czech resort Spindleruv Mlyn te. Tetu Shiffrin itu discipline laga World Cup crystal globe clinch kori bole chance ase.
Moltzan etiya tak World Cup race jita nai, tai laga sob four career second places Austrian snow te he ahise. Kintu 2025 world championships laga giant slalom bronze medallist tai dominant teammate usor te ahibo parise aru finish line te duijone hug kori dise.
Itu tai laga itu season laga first slalom podium hoise, jodi bhi season opener Soelden te giant slalom te second thakise aru Kranjska Gora te bhi giant slalom te third position loi thakise.
Switzerland laga Wendy Holdener fifth place te finish korise, Sweden laga pair Anna Swenn Larsson aru Sara Hector age thaki. Italian-born Albanian skier Lara Colturi eighth position loi thakise aru fastest second leg ski korise 53.77 second time loi.
Add Comment