Shiksha Saptah Laga Khotom Hoishey, Saturday Tey

July 28, 2024: Nagaland tey Shiksha Saptah (Education Week) laga last din observe kurishey, Saturday tey, ECO Club, Mission LiFE, Community Participation, aru Tithi Bhojan observe kuri kena, school khan aru education office khan tey, itu state pura tey. Itu din laga event toh hoiley social work aru plantation logotey shuru kurishey, fruit laga gaas khan dhali kena, tai khan laga mothers, teachers, aru Education officials khan logotey. Student khan para eco-friendly waste bin khan banaishey, bamboo logotey, awareness programme khan, environment conservation opor tey, organize kurishey, aru School Management/ Development Committee (SMC/SMDC) meeting khan logotey, loishey, awareness banaboley, itu National Education Policy 2020 opor tey. Itu State capital, School Education officials khan para social work conduct kurishey, itu School Education laga Directorate tey para aru itu office laga premises khan sapha kurishey, itu fujur laga homoi tey; tai khan para bhi gaas khan aru phul khan dhalishey, office laga aas paas tey. Smti. Kevileno Angami (IES), Commissioner aru Secretary School Education & SCERT; Smti. Temsunaro Aier, (IAS) Commissioner & Secretary IPR aru State Mission Director Samagra Shiksha; Shri. Thavaseelan K, (IAS) Principal Director, Directorate of School Education para lunch sponsor kurishey, GMS New Secretariat Area, GHS Forest Colony, aru GMS (CwSN) Lerie nimitey, Kohima tey. Tai khan para itu khawa loa serve kurishey, student khan ke , Tithi Bhojan laga hisap thaki kena. Nagaland tey Shiksha Saptah toh hoiley bhal para he participate kurishey, government, private, aru central schools, 22^nd para 27^th July, 2024 tak tey. Itu Department para itu sob teacher khan, administrator khan aru SMC/SMDC member khan ke thanks janaishey tai khan laga support karney aru participation karney, itu lamba hapta laga event toh success kuriboley para nimitey.