Shillong, June 12, 2025: Meghalaya laga Chief Minister Conrad K Sangma para janai dishe ki. Etea taikhan eman diri rukhea laga. Shillong Airport laga runway toh lamba kuri dishe koishe. Yete Union Minister for Development of North Eastern Region (DoNER), Jyotiraditya Scindia logote. High level meeting toh loishe koishe.
Yete Union Minister for DoNER, Shri JM_Scindia bi meeting te. Etu Shillong Airport laga Ranway toh lamba kuribole laga kotha kurishe koishe. Aru taikhan mun pura dikina. Parea tak joldi tarika khan kuribole koishe. Aru Meghalaya laga Development nimete Sangma para Shri Scindia ke bishi thanks dishe.
Etu meeting toh Meghalaya High Court Dirtected Authorities. Airport Expansion Project pichete ahishe koishe. April 30 din tebi. Yete Chief Justice IP Mukerji aru Justice W Diengdoh para. Etu project toh phat kuribole. Flights khan bi cancel kurishe. Aru State Capital te aha ja bi komti kuri dishe koishe.
Court khan parabi. Shillong laga Single Airport toh ATR Aircraft he chulabole paribo koishe. Kile mane runway toh khata aru chotu hoa nimete. Yete manu aru Tourists khan kebi duk dea ase koishe.
Etu lamba kurea toh 22 acres mati nishina hobo. Aru 10.3 acres toh Defense Department khan para dibo. Aru 11.7 acres toh private mati malik khan para dibole ase koishe. Yete Defense Department khan toh mati dibole mazor hoishe. Hoilevi, State Government khan toh tarika kurea ase. Yete Private mati malik khan logote mili kina lobole. Aru etu project nimete Rs 150 Crores nishina dikina ase koishe.
Add Comment