Shillong, 14 January : Shillong football laga history te ekta dangor moment create kuribo nimite prepare kurise, juntu March te not ekta, kintu duta major international football matches Jawaharlal Nehru Stadium te host kuribo ase.
Pehla announcement hesapte, Shillong March 25 te India aru Bangladesh laga AFC Asian Cup qualifying match host kuribo thakise. Kintu thrilling update hesapte, aro ekta match India aru Maldives majote March 19 nai 20 te khelibo confirm hoise.
Meghalaya Football Association (MFA) laga president Hamletson Dohling itu exciting news share kurise, aru confirm kurise ki All India Football Federation (AIFF) formally itu duta matches laga proposal rakhise. AIFF president Kalyan Chaubey laga proposal Meghalaya government pora approval pailai hoise.
Dohling aro update kurise ki Asian Football Confederation (AFC) laga officials January 20 te Shillong visit kuribo schedule ase stadium inspect kuribo nimite. Itu inspection stadium international standards meet kuribo nai determine kuribo, aru AFC official approval diye pichete Shillong duta matches laga official venue hobo confirm kuribo.
Itu upcoming matches na sirf national teams laga talent showcase kuribo, kintu Shillong laga football culture global stage te highlight kuribo nimite ekta invaluable platform provide kuribo.
Add Comment