Meghalaya, January 14, 2026: Shillong Police para ekta Home Guard volunteer ke dure she, video ekta viral ho piche te, tai utu video te exortion kure thake she koi she. YouTube te, user Karan GoalaExpii para video toh hale she, aro viral hoi jai she, video te de khe bole pare she ki, manu ekjun para khota bea kure thake she manu khan laga opor te, aro Rs 15,000 mange thake she traffic rules banga karne.
Khobor jane bole pare she ki, utu manu extortion kurea laga nam toh Reganson Kharlor ase, tai toh 35 sal ase. Tai toh Home Guard volunteer hesab kam kurea ase, aro Madanrting Traffic Branch te posting ase, aro utu video bana homoi tai duty te thake she.
Police khan laga hesab te, etu mamla toh December 26, 2025 te hoi she, 9:35 am phane. Ekta buga Maruti Suzuki 800 toh Happy Valley phane ja thake she, Sawlad laga osor te. Kharlor para report kure she ki, tai toh gare toh thang para khetai thake she, aro ekta ja scooty te buhe kena gar eke rokhai loi she Happy Valley Bazar te.
Police khan para koi she ki, Kharlor toh gare te gushe kena, gare te buhea khan ke dhamke de thake she. Gare te thakea khan toh Assam laga Cachar district para ase koishe, kun Christmase karne Shillong sabole ahe she. First te Kharlor toh Rs 10,000 mange thake she. Tai khan ke Madanrting Taxi Stand lo ja piche Rs 15,000 mange shuru hoi she, tai khan osor ATM para puisa olai kena de deshe koishe. Ekta suo motu case register hoi she, Madanrting police station te, etu piche Home Guard volunteer ke dure loi she, aro duty para olai de she.
Add Comment