Shillong, 12 February : Shillong laga Jawaharlal Nehru Stadium (JLN), Meghalaya, India senior men’s national football team laga March FIFA International Window te duita match host koribo, All India Football Federation (AIFF) Tuesday dinte confirm korise.
India laga AFC Asian Cup Saudi Arabia 2027 Qualifiers final round campaign March 25 te Bangladesh khilap shuru koribo aru March 19 te Maldives khilap ekta international friendly match JLN Stadium te khelibo laga ase preparation nimite.
India AFC Asian Cup Saudi Arabia 2027 Qualifiers Final Round laga Group C te rakha ase, juntu te Hong Kong, Singapore aru Bangladesh bhi ase. Teams sob ekta-ekta ke dui bar khelibo laga ase, ekta home aru ekta away round-robin format te, aru itu March 2026 te khotom hobo. Group winners Asian Cup tournament proper te qualify koribo.
India ini tinta opponent khilap pichla matches te khela ase. Bangladesh khilap last match 2021 SAFF Championship te, Hong Kong khilap AFC Asian Cup Qualifiers te Kolkata te June 2022 te, aru Singapore khilap Hung Thịnh Friendly Tournament te Vietnam te September 2022 te khela hoise.
November te release kora FIFA Rankings hisab te, India 127th position te ase, Hong Kong 156th, Singapore 161st aru Bangladesh 185th te rakha ase.
JLN Shillong te itu bar thakibo senior men’s international matches host koribo laga first time, stadium refurbish korar pichhi te. 15,100 seat rakha itu stadium Durand Cup, Indian Super League, I-League, aru I-League 2nd Division laga domestic tournaments aru leagues host korise.
Add Comment