Meghalaya, 12 August : Meghalaya laga Chief Minister Conrad K. Sangma, August 12 te fitness icon Milind Soman logot, Shillong laga first Public Bicycle Sharing (PBS) system launch kori dise, jun hill city te sustainable urban transport te ekta dangor step hisab te dekha jabo.
Itu initiative Shillong Urban Mobility Policy (2024) laga ekta part ase, jun non-motorised transport aru healthy lifestyle promote koribo laga aim ase. Itu policy te 35% city transport non-motorised koribo laga vision ase, aru itu notun system Shillong ke “walking aru cycling city” banabo laga ekta step hisab te dekha jabo. First phase te 20 pora besi electric bicycle introduce kori dise, aru residents manu ke eco-friendly commute initiative te part lobo lagi encourage kora ase.
Urban Affairs Department, GIZ India logot milai, Sustainable Urban Mobility – Air Quality, Climate Action & Accessibility (SUM-ACA) project laga under te itu launch kori dise, aru Ministry of Housing and Urban Affairs (MoHUA) bi itu ke support korise.
Sangma koi dise ki PBS system sirf traffic congestion komai bole nohoi, kintu Meghalaya laga greener aru healthier future banabo laga ekta important step ase.
Add Comment