Shillong, 4 February : Indian Super League (ISL) laga ekta naya venue add hobo jabole Shillong Friday din NorthEast United FC laga ‘home’ match Mumbai City FC opposite Jawaharlal Nehru Stadium te host kuribo. Meghalaya laga football-loving fans khan itu ISL debut match nimite bohot excited aru wait kuribo ase.
Guwahati-based Highlanders khan itu stadium te February 21 din Bengaluru FC aru March 8 din East Bengal laga match bhi host kuribo. Fans khan Sunil Chhetri, Lallianzuala Chhangte aru Naorem Mahesh Singh laga action dekhibo nimite bohot excited ase.
NorthEast United laga CEO Mandar Tamhane Tuesday din explain kurise ki kyu club Shillong te khelibo laga faisla loise. Tai laga hisab te Meghalaya sarkar pura support kurise itu move nimite.
NorthEast United forward Redeem Tlang, jun Shillong pra ase aru ISL laga notable domestic talents te ekjon ase, tai over 100 ISL appearances kuri loise. Tai 2024 laga NorthEast United laga historic Durand Cup victory te bhi dangor role play kurise. Shillong te ISL anibo nimite Tlang pura thrilled aru khushi ase.
Add Comment