Shillong, September 18, 2025: Police khan para 13 saal chokra ke suspect kurea ase koishe. Yete 4 saal maiki Insaphira Lyngdoh Mawnai murea te. Tai laga body toh ghor bana laga niche te paishe koishe. Etu toh September 15, Shillong laga Nongrah Nonglum te.
East Khasi Hills Superintendent of Police Vivek Syiem para September 17 din te janai dishe ki. Etu chokra toh ghor osor manu asekoishe. Tai toh etu maiki laga ghor te jai thakhea koishe. Aru tai para police ke koishe ki. Tai toh galti para bacha ke panni te dubai dishe koishe.
Aru chokra parakoishe ki. Tai toh September 14 din te. Etu bacha maiki ke loi kina ghor bana laga niche te loi jaishe koishe. Aru tai tailaga theng te mati thakhea khan panni para sapha kurea homoi te. Tai toh Slipped khaishe koishe. Aru bacha maiki kebi panni te tanni dishe koishe. Yete para maiki bacha toh dubi kina murishe koishe.
Aru Post Mortem exam kurea pichete. Taikhan para janai dishe ki. Etu bacha maiki toh panni te dubi kina murishe koishe. Aru yete eku bia kaam kurea laga, aru eku jokhum hoa laga dakki khan bi thakhea nai koishe.
Add Comment