Agencies: Shirdi Sai Baba temple authorities khan para order te devotees khan koikena janaishe chotu aro dikha kapra temple bithor te lagabole mana kurishe.etu temple authorities khan para aro bi ekta notice dishe etu eki nimete temple notice board te.order hisaab te devotees khan(mota aro maiki) khan ke temple bithor te chotu kapra lagaikena ghussibole nadibo.kapra khan temple te lagabole nadia te half pants, bermuda shorts, frocks, minis, etc ase.
Authorities khan para aro bi koikena janaishe ki devotees khan tight kapra lagaikena thaka to rukhabo ghussa te.etu rule decent kapra nimete devotees khan nimete bishi lamba para kotha kur thakishe kuntu toh etia chulai ase.
Sai Baba Temple Shirdi te November 16 2020 te khulishe etu bi saat moina para bondh thaka nimete coronavirus pandemic nimete.
Temple management hisaab te visitors khan ke ghussibole dibo ekta samay nimete ekta online booking kura pichede hobo.
State laga religious jaka khan toh Maharashtra te bondh thakishe lockdown toh march te shuru kura pichede. Etu te opposition parties khan para demand kuri thakaishe aro kunba religious groups khan para temples khan khulibole nimete. Maharashtra government para khan coronavirus cases toh namijabole rukhi thakishe.
Etu logote Shridi temple dusra religious places toh Maharashtra te wapas khulishe etu eki din te.
Maha Vikas Aghadi government khan para koikena janaishe ki etu decision toh coronavirus patient laga number toh komti hoijaa pichede hoishe.
Maharashtra Cabinet Minister Jayant Patil para koikena janaishe ki Etu rules toh eki thakibo sob religious jaka khan nimete.etu te masks sanitizers khan chula toh thakibo aro social distancing toh important ase.
Add Comment