New Delhi, 21 February : Upcoming Hindi film The Kerala Story 2, Kerala te forced conversion laga depiction loina political leaders khan pora heavy fire te ase, kintu Shiv Sena leader Shaina NC pora support paise. Friday din Shaina NC movie tu defend korina koise ki itu misinformation spread kori nathake.
ANI logot kotha patise, Shiv Sena leader tu koise ki recently release hua trailer te jaise dekhai dise, Kerala te bishi maiki convert hoise, aru manu khan ke society te peace maintain koribole hoile duita side bhi sabole request korise.
The Kerala Story 2 laga trailer release hua pora controversy start hoise. Kunba manu itu ke “brutal truth” kuina koise, aru kunba manu itu ke “propaganda” label dise. Film tu religious conversion aru coercion laga theme explore kore, aru story Kerala, Rajasthan aru Madhya Pradesh te set ase. Kerala CM Pinarayi Vijayan bhi film tu slam korise, aru religious body All India Muslim Jamaat bhi oppose korise. CM Vijayan koise ki eneka film pora state te communal tension create koribole try kori bole pare.
Kamakhya Narayan Singh direct kora The Kerala Story 2, February 27 te theatres te release hobole schedule ase. Itu 2023 te release howa The Kerala Story laga sequel ase. First film tu release time te bhi bishi controversy hoise, kintu last te commercially successful hoise aru duita National Film Awards jitise. New film te entirely new cast aru notun director ase.
Add Comment