Mumbai, 7 April : Rudrankksh Patil ke Sandeep Singh Paris Olympics selection trials te Bhopal te hara diya laga kuch time upor, Patil ekdom hashi thaka mohk te ghumti thakise.
Ekjon world champion aru former world No.1 rifle shooter hobar karone, juntu Olympics trials te duita spot thaka upor se favourite thakise, Olympics na jabo para ekta dangor dhuka hobo laga kotha thakise. Kintu jodi hobo bhi, Patil itu sob bhalke handle korise, aru Olympic cycle majote eta stumbling block hisap te luishe.
Ibar Patil etiya notun Olympic cycle bhalke shuru korise, Buenos Aires te Sunday din ISSF World Cup te 10m air rifle gold jiti luishe. Medal loi podium te thaka homoy te Patil laga famous hashi wapis ahi jaise, aru tai laga rifle pora high-quality shooting bhi.
Eight-man final te — juntu te Paris Olympian Arjun Babuta bhi thakise aru juntu seventh finish korise — Patil first shot pora last shot tak command te thakise aru comfortably lead te thakise. Indian shooter score korise 252.9, juntu Hungary laga Istvan Marton Peni (251.7) pora 1.2 point beshi, aru Argentina laga Marcelo Julian Gutierrez (230.1) pora dangor difference te thakise.
21 saal laga Patil 10.7 pora start korise aru 10.8 te finish korise, aru 24-shot final te tini bar 10.9 (air rifle laga highest score) shoot korise. Only 19th shot te 9.9 laga ekta chotu mistake ase, baki sob shot high 10s te consistent thakise.
Itu dhoror shooting pora Patil 2022 te air rifle laga world champion bonise, aru itu India ke Paris Olympics karone quota dibole help korise. Tai 2023 te Cairo te World Cup gold aru Bhopal te bronze bhi jitishe, aru rankings te top position te uthise. Thane pora ahise Patil dangor impact banai thakise aru Olympics karone steady preparation kori thakise. Kintu trials te hara jaise aru first position pora ekbar te ground level te loi ahise.
Kintu Patil beshi time na luishe move on koribole. Tai nijor body pora kichu weight komai luishe, equipment change korise aru 50m rifle three positions te try koribole decide korise. New Delhi te February te hoi thaka national selection trials te Patil bhal performance dishe, aru itu rhythm Argentina laga World Cup te continue korise.
Qualification round te Patil 633.7 score dishe, juntu Babuta (634.5) pora thora kom thakise — juntu Olympics te fourth finish korise. Final te Patil first five-shot series te 53.2 score korise aru tai clear banaidise ki tai ke beat koribo dangor kaam hobo. 16 shots upor Babuta eliminate hojabishi Patil ekta significant one-point lead maintain korise Hungary aru Argentina laga shooters pora. 19th shot te 9.9 score dibi, Patil dangor difference te lead te thakise.
Aru sabse impressive hiseb te, loud Argentina laga crowd Gutierrez ke cheer koribo majote bhi Patil pura composure maintain korise.
Add Comment