New Delhi, 5 February : Dr. Karni Singh Shooting Range te hoise Shotgun National Selection Trials 1 & 2 te, women’s Trap T1 te Manisha Keer aru men’s Trap T1 te Bhowneesh Mendiratta top position secure korise.
Women’s final te, Manisha 27 target hit kori Neeru Dhanda ke olob difference te haraise, juntu 25 hit loi second hoise. Aashima Ahlawat 20 hit loi third place paise.
Qualification round te Kirti Gupta 118 score loi lead korise, kintu finals te seventh position te thakise. Rajeshwari Kumari aru Aashima Ahlawat duijon 114-114 score korise. Preeti Rajak 113 score loi finals te qualify korise, itu pichete Manisha Keer 110 score loi ase. Top eight complete korise Neeru Dhanda (109), Varsha Varman (107) aru Shagun Chowdhary (106).
Men’s finals te, Bhowneesh Mendiratta Prithviraj Tondaiman ke thora difference te 28-27 porajoy kori top position paise. World Cup Final 2024 laga medallist Vivaan Kapoor 23 hit loi third place te finish korise.
Add Comment