New Delhi, August 26 : Shraddha Kapoor para tailaga nutun release huwa film ‘Stree 2’ logotey ekta standard set kurisey. Etu film logotey, tai khali audience laga mon jita hey nohoikina box office ke bi dominate kuri asey. Tai tu enaka bisi dangor opening number(film release huwa din te kamayi huwa tu) hasil kora first female lead actor asey.
Etya tai instagram te Indian celebrity majotey second sobsey bisi followers paisey. Etu logotey tai Virat Kohli laga next te aro PM Modi aro Priyanka Chopra laga ageyte ahisey. Etya instagram te tailaga 91.2 million followers asey.
Etu laga alava, Shraddha tu tai nijor laga league te asey. Tai tu ekta nutun action heroine hoikina olai asey kun aro ekbar sob manu ke Stree 2 te tailaga action para bharikina thaka entry logotey impress kuridisey.
Ekta female lead hoikina Stree 2 te Shraddha laga entry tu ekdam unexpected thakisey. Tai para tailaga shaktishali performance logotey, sob manu ke akarshit kuridisey. Etu film te tailaga entry tu kun para bi bhabna nokora laga ekdam heroic thakisey. Shraddha para sobkey asurit kuridisey. Tailaga action personality te saisey koiley, etu kobo parey ki screen te kiba ekta nutun anibole te Shraddha tu hodai ek kadam agey thakey.
Stree 2 release huwa logotey, Shraddha tu hosa bi audience laga mon jiti asey. Etu horror-comedy film te ekta dangor role play kurikina, Shraddha tu sob kona para eman bisi morom pai asey.
Add Comment