India, 10 October : Indian cricket team toh Australia laga khilaf bhaal shuruwad thakibo parey taikhan laga opening Cricket World Cup 2023 match dey huilewi itu team toh itia tak taikhan laga pura takot dey chulia nahoi. India laga opening batter Shubman Gill, kun reportedly olob din agey dey dengue bimari lagishey, tai laga health biya hua karoney khilia nahoi. Board of Control for Cricket in India (BCCI) para taike tournament para India laga second match para ulai dishey kuntu Afghanistan khilaf asey. Itia report ahi asey ki Gill toh Chennai laga hospital dey komti platelet count thakia karoney buhi thakishey. Huilewi, itia itu khiladi hospital para bahar ulaishey.
“Shubman Gill toh Chennai team hotel dey drip dey thakishey jaa kunwa din karoney. Huilewi tai laga platelet count toh 70,000 tak girishey aro itu toh dengue patients sob logit hui, kitia count toh 100,000 laga niche hui jai, tui ke medical facility ekta dey admit kuri dey ekta precautionary measure nishna. Kitia count toh 100,000 laga upar jawo, tai ke discharge kuri dibo,” ekta BCCI source kuishey PTI ke.
Juti Gill laga situation bhaal wala huiley, tai ke Ahmedabad directly plane para lui jawo parey Pakistan clash nahua agey dey huilewi tai laga match fitness eman khata homoi dey dikhawoley toh risky asey tai dengue para bimar hua karoney.
Add Comment