Ahmedabad, 17 March : Shubman Gill, Gujarat Titans captain, Monday din squad logot join kori dise, ketiya team Indian Premier League (IPL) 2026 karne tayari te busy ase. Team etiya Miraj International Cricket Stadium te pre-season camp kori ase.
Season laga first phase schedule announce hoise, aru Gujarat Titans nijor campaign start koribo Punjab Kings logot ekta away match te, March 31 din Mullanpur, New Chandigarh te. Itu pichete, Gill-led side ghar wapas jabo Ahmedabad te, kitia Rajasthan Royals logot April 4 din Narendra Modi Stadium te khelibo.
Team aru duita away matches bhi khelibo — April 8 te Delhi Capitals logot, aru April 12 te Lucknow Super Giants logot.
Gujarat Titans IPL te ekdom consistent team thaki ase, nijor first 4 seasons majot 3 bar playoffs te pohorise aru 2022 te nijor first season te title bhi jiti loise.
2026 season jonne, team Matthew Hayden ke batting coach hisab te appoint kori dise, aru Vijay Dahiya ke Assistant Coach banai dise, juntu team laga coaching setup aru strong kori dise.
Add Comment