Shweta Tiwari para TV show te kitya bi hobole napara laga scene dikha laga khilaf te koisey

New Delhi, July 05 : Shweta Tiwari tu TV serial te bisi jana mana chehra asey. Tai tu mashoor TV show Kasauti Zindigi Kay te kaam kurisey. Tai para recently  Bollywood Hungama ke TV serial khan laga kitya bi hosa hobole napara nohoilebi ekdam nakli standards laga bari te kotha kurisey. Kotey kitya bi eku bi hobo parey. Kuntu te manu kites para girey, saap para kamora picheyte bi bachijai aro etu nisna alag alag scene khan. Baat-chit kora homoitey, Shweta para koisey, “Serial khan tu poila laga homoi te hey behtar thakisey. Ajikali, tu ki hoilebi chulija nisna asey. Apni khan para enaka scene dikhey kuntu te manu khan safes(poisa aro kimti saman khan rakha jaga) te lok hoijai aro etu tu olop bi hosa nalagey. Poila laga jamana te bi serial khan te enaka kahani thakisey kotey bisi poisa involve thakisey. Jaiseki serial te manu khan para crore crore poisa laga bari te kotha korey. Hoi utu bi pura puri hosa thakanai hoilebi serial sa manu khan para ameer manu khan thakey koikina etu bhabna logotey connect kuribo parey. Ajikali tu serial te enaka character asey kun khan saap kamora para bi eku nohoikina bachijai nohoile manu khan kite te hang hoikina thaka. Ami para enaka ekta scene bi dikhisey kotey ekjun maiki ghurikina ekta parda te girijai aro etu parda tu kinaka kurikina tailaga gola te bandijai. Shweta para koisey ki tai tu enaka scene khan kuribole pakka mana kuridibo.