Bengaluru, 28 February : India laga Siddhant Banthia aru Parikshit Somani straight-set te jeet pabo para Nicolas Mejia aru Bernard Tomic ke haraikena Bengaluru Open laga doubles semifinals te punchi jaise, juntu ATP Challenger 125 tournament ase.
Unseeded Indian duo, Nicolas aru Bernard ke 7-5, 6-0 te harai dise, aru title clash te punchibo karone Australia laga Blake Bayldon aru Mattew Christopher Romios logot mukholai jabole ase.
Hala te, Ramkumar Ramanathan aru Saketh Myneni bhi nijor title defence te ekta step aage jai se, Hynek Barton aru Eric Vanshelboim ke 6-3, 6-3 te harai kina.
First set te dui team Banthia-Somani aru Mejia-Tomic eku jon digdar no pai kina ulai thakise, kintu game seven te Mejia-Tomic advantage loibo nimite dangor chance pai se. Kintu, Indian pair ekta crucial break point bachaikena game nine aru 11 te nijor serve te jeet pabo para aru game 12 te ekta break loi kena lead loikene jaise.
Second set te momentum loikena, Banthia aru Somani sirf 20 minutes majot game kothai dise.
Dusra side te, Ramkumar aru Saketh first set majot early break loi kena lead confirm kuri dise. Second set te, game five aru nine te crucial breaks loi kina jeet confirm kuri dise.
Tournament laga sab se beshi successful doubles players, Ramkumar aru Myneni final te punchibole, Anirudh Chandrasekar/Ray Ho aru SD Prajwal Dev/Aryan Shah majot jituwa team logot mukholai jabole ase.
Semi-finals te punchi jaise dusra Indian team logot second-seeded Bayldon aru Romios, jun India laga Adil Kalyanpur aru Karan Singh ke haraise.
Singles event te, Hynek Barton laga dream run cholai ase, Denmark laga August Holmgren ke 7-6(5), 6-3 te harai kena quarterfinals te punchi jaise.
Third seed Brandon Holt ekta set haijai kina ulai ahise aru former World No. 17 Bernard Tomic ke ekta tight 5-7, 6-4, 6-4 battle te harai kena last eight te punchi jaise.
Dusra singles match te, seventh seed Shintaro Mochizuki Jay Clarke ke 5-7, 6-1, 6-2 te harai dise.
Add Comment