Siddhant para suicide nakoriboli film bonaise

New Delhi, August 26, 2020. Puneet Issar laga chokura Actor Siddhant Issar para kata film ekta ‘Resurrection: Jaago Aur Jiyo” koikena bona toh release hoboli ase. Tao koishe ke, etu film para kowah suicide toh ketai be jawab nahoi, aro etu film toh 10 jun manuh para saile be tai shanty hobo, keli koile etu film para thakiboli kushi hoi. “ami etu film bona toh hoile suicide para pachiboli aro mental awareness thakiboli nemite ase aro film toh corona lockdown samay te bonaishe. “etu film toh kotha thaka aro manuh logot khobor deya film ase. Film toh supernatural aro a magica kotha be ase. Etu pithor te, film toh besi kushi ase aro besi entertainment ase” koikena Siddhant para koishe. Tai koishe aro, “moi laga film para kowah suicide toh jawab nahoi. Kali 10 jun manuh para film toh sailebi hojabo aro etu para tai khan jeevan te dhuk thaka pujibo, ami laga lariat oh jetikena ase.” 20 minute laga film kotha kura samay, Siddhant para koishe ke, “etu sob toh lockdown samay bonaishe, aro shooting unite be thaka nai. My laga ghor te sati khan para motob kurikena film toh bona ase. Aro sob toh ami laga ghor te he bonaishe, etu samay lockdown thakishe aro social distancing kurikena bonabo parehse”.  Tai yaat kurishe ke, “chokura khan laga kam tod ami be kuri thakishe, ami light man kam ke kurishe, ketai ami scene te nathaka samay. Etu ekta film para janishe ke, film industry te hotai hajara manuh khan keman important ase etai pochese”. “Resurrection: Jaago Aur Jiyo” film toh  YouTube te August 25 te release kuribo.