Agencies, 09 September: Thursday te Bollywood actor Sidharth Malhotra para Captain Vikram Batra ke tai laga 47th birth anniversary nemite samaan deshe aro Kargil war hero ke toh manu khan laga monn te hotai yaat thakibo koise. Malhotra toh etu par laga ekta biopic te Captain Batra laga role kora thakise aro war hero laga birth anniversary te tai para monn chowa kotha lekhise. Tai laga Instagram handle te actor para late braveheart laga ekta college image share korise. Etu he nahoi kena tai laga co-star Kiara Advani para be late Param Veer Chakra awardee ke samaan deshe.
Captain Vikram ke toh tai laga bahadur nemite jani. Tai toh 1999 sal Kargil war samai Pakistani forces logote fight korikena mora thakise. Rai ke toh highest wartime gallantry award Param Vir Chakra posthumously deshe.
“Shershaah” film toh Captain Batra laga jevaan opor te ase aro film te Malholtra toh lead role te ase. Etu par he film toh Amazon Prime Video te August 12 te ola thakise. Film title toh war hero’s codename para lowa laga ase aro etu film te Vishnu Varadhan para direct kroise. Actor Kiara Advani toh Captain Batra’s fiancee Dimple Cheema laga role kora dekhise movies te. Film te Actors Sidharth Malhotra, Kiara Advani, Shiv Panditt, Raj Arjun, Pranay Pachauri, Himanshu Ashok Malhotra, Nikitin Dheer, Anil Charanjeett, Sahil Vaid, Shataf Figar aro Pawan Chopra aro tusara besi jun ase.
Add Comment