Mumbai, February 18 : Sidharth Malhotra tu tailaga ahibole thaka film Yodha logotey tailaga audience laga mon jitibole tayar asey. Sidharth para olop din ageyte etu poster release kora picheyte etu movie tu attention pai asey. Sunday din te, Karan Johar para tailaga social media account te jaikina ekta nutun poster share kurisey. Aro etu film laga teaser release huwa picheyte etu film laga jankari share kurisey. Sidharth ke charikina, etu movie te Raashi Khanna aro Disha Patani bi lead roles te asey. Etu movie tu March 15, 2024 te dangor screen te release hobole asey.
Karan Johar para ekta video bi share kurisey kotey etu film laga team ke ekta flight para jump kora dikhisey aro taikhan taikhan laga haath te etu movie laga poster dhurikina thakisey. Karan para ekta video share kurisey. Sidharth Malhotra para etu teaser release hobole ageyte tailaga instagram te ekta nutun poster post kurisey. Etu poster te, tai tu ekta bunduk dhurithakisey aro background te ekta flight take off kuri thakisey.
Ekta interview te, Karan Johar para etu movie laga kotha kurikina koisey, “Yodha nisna ekta special film tu ekta etihasik moment deserve korey. Enaka moment kuntu tu homoi homoitey hilaikina rakhidiye. Etu tu ekta out-and-out action film asey. Aro etu te drama aro thrill laga right amount asey.
Add Comment