Sikh maiki kidnap kora nemite Pak Envoy ke matishe

September 22, 2020. Pakistan te Sikh maiki kidnap kora issue te Ministry of External Affairs (MEA) para Pakistan High Commission laga senior official ke matishe, loikena te source para koishe. Etu kotha toh Pakistan  te Gurdwara Panja Sahib’s head granthi laga chokuri harijaa nemite ase. Monday din te, Sikh community laga  protests khan national capital te olaikena Sikh maiki kidnap kora nemite Pakistan High Commission bahar te manuh jama thakishe. “Pakistan te Sikh community khan logot hamla kora toh besi saal para hoikena ahi ase. Maiki manuh khan ke kidnapped korikena jobor josti te botli kori dey. Etu logot larai koribo nemite desh manuh sob melibo lage,” koikena chief, Delhi Sikh Gurdwara Management Committee laga head MS Sirsa para reporters logot janai thishe. Pakistan te historical Sikh gurudwaras besi ase hoilebi konaba beya hoiase nohoile konuba toh land mafia aro local manuh para kabza koriloi ase. Pakistan desh te Sikhs manuh khan ke besi dhuk dey ase. Aro Sikh maiki khan logot kidnapped kora cases besi ase, nohoile tai khan ke Islam te botli korikena aro Muslim manuh logot sathi koriboli dey