February 13, 2024: Ekta Sikh separatist activist laka Canadian ghor deh goli kan mara shae, police para Monday din deh kui shae. Police kan agae deh allegations kan pai nah taki shae Ottawa aro Washinton deh, tuita country deh b assassination karne Indian dissidents keh target kuri ase kui nah.
Constable Tyler Bell-Morena para Peel Regional Police kan keh construction crews para alert kuri shae kui shae Inderjit Singh Gosal laka ghor lah window deh ekta goli laka chenta ase kui nah aro taikan itia b investigate kuri ase kui shae.
Gosal tho prominent Sikh separatist leader Gurpatwant Singh Pannun laka ekta close associate ase. Gurpatwant Singh tho ekta American Sikh ase kun News York deh takeh. US authorities kan para tai tho jua sal laka ekta assassination plot laka target taki shae kui shae.
Ghor tho construction deh taka karne aro kun b nabua karne eku jokom kan kah nai kun b. “Etu manu kun ase aro taila affiliations ki ase, etu kan mukan buji ase, hoile b mukan karne bishi julti ase alak violence aro threats deh connection ase nah nai kobo leh,” Bell-Morena para AFP keh kui shae.
