Gangtok, April 03 : Sikkim laga Bharatiya Janata Party (BJP) para Sikkim Krantikari Morcha (SKM) logotey alliance laga baat-chit kora tu nakamyab huwa picheyte, BJP para April 19 te hobole thaka Sikkim Assembly election te independent para election contest kuribole chunisey. Etu darar tu seat bhak kora te disagreement ola para olaisey kuntu para BJP ke ekla election laribole majbur kuridisey.
Poila te, outgoing assembly te 12 seat command kurikina, khas kurikina opposition Sikkim Democratic Front (SDF) para BJP ke charidiya picheyte, BJP para etya dukh jheli asey aro 5ta defection para khali 7jun member ke ahibole thaka election laga seat nimitey laribole charidisey.
Etu setback huwa laga bawajut, BJP laga Sikkim unit president, DR Thapa tu Prime Minister Narendra Modi laga leadership aro Sikkim ke national development agenda ke jura laga kosom logotey optimistic thaki asey.
Thapa para koisey, “Sikkim laga strategic significance para ekta majboot government ke taikhan laga manu laga rights bachaikina rakhibole aro national aspiration logotey development propel kuribole demand kurisey.”
Hoilebi, kara opposition face kuri asey, khas kurikina SKM candidate Kala Rai para kun para koi thakey ki lotus tu pahar te bloom nokorey.
Etu majotey, dusra opposition faction including Sikkim Democratic Front aro Citizen Action Party (CAP) para BJP ke constitution laga Article 371(F) under te protect kurikina thaka Sikkim lag aspecial status dilute kora laga khilaf te savdhan kurikina alarm bells sound kurisey.
Add Comment