Gangtok, March 25 : Sikkim te hobole thaka state assembly election laga ageyte, Bharatiya Janta Party (BJP) laga spokesperson Dr. Kamal Adhikari para tailaga resignation disey. Dr. Adhikari, kun para bi BJP laga State Executive te ekta position dhurisiley, tai para BJP State President ke likha ekta letter te party chara laga announcement kurisey aro etu faisla nimitey personal reason disey.
March 25, 2024 te diya tailaga resignation letter te, Dr. Adhikari para ekta spokesperson ke seva kuribole laga moka te dhanyabad jataisey aro BJP laga value aro principle ke dhurikina rakhibole laga tailaga commitment janaisey.
India Today NE ke kotha kurikina, Dr. Kamal Adhikari para koisey, “ Ami para BJP te ekta decisive leader dikhanai etu nimitey ami para resign kuri loisey. Ami tu eku party join kuribole nohoi aro etya nimitey etu laga eku bhabna nai.
Add Comment