Gangtok, March 24 : Sikkim Bharatiya Janata Party (BJP) para Sikkim Krantikari Morcha (SKM) para chola sarkar majotey gehra corruption asey koikina SKM para alag hoijabole laga faisla announce kurisey. Sikkim BJP laga spokesperson, Passang Sherpa para March 24 te press ke address kurikina SKM administration laga mismanagement aro galat kaam kora laga arop lagaisey.
Sherpa para BJP tu corruption laga daagi lagikina thaka kun party logotey bi mila laga khilaf te thaka tu janaisey. Tai para SKM ke shaak thaka kaam khan te shamil thakikina manu khan laga biswas ke dhoka diya, hydro power project aro Teesta Urja project private company ke bikri kuridiya laga iljam lagaisey. Agey barikina, tai para COVID-19 chuli thaka homoitey khana bhak kora te poisa kha laga mamla khan highlight kurisey aro koisey ki enaka kaam khan tu BJP nimitey swikar kuribole napara laga thakisey.
Etu announcement tu SKM camp para virodh kora laga bayan ola homoitey ahisey. Kuntu te Jacob Khaling para suggest kurisey ki etu alliance(gatbandhan) bhangaidiya tu election picheyte tak nimitey asey aro temporaray asey. Sherpa para etu bayan ke refute kurikina etu tu dhoka diya laga bayan asey koisey aro koisey ki BJP para rishta khotom kuridibole laga faisla kora tu final aro bodli nohobole laga asey.
Sherpa para koisey, “Amikhan para corruption laga daagi lagikina thaka party logotey alliance thaka tu support nohoilebi swikar nokorey.” Tai para koisey ki BJP laga commitment tu khali manu khan aro development nimitey asey aro kunba rajneetik party nimitey nohoi.
Add Comment