Gangtok, February 19 : Sikkim laga Chief Minister Prem Singh Tamang-Golay para former India football captain aro Sikkim laga politician Bhaichung Bhutia ke ekta gairkanooni voters’ list bana laga iljam lagaisey.
CM Tamang para koisey ki etu jail voter list ban ate tailaga government laga eku haath nai. Aro koisey ki khali Sikkim laga vote dibole layak thaka manu khan logotey hey vote dibole laga haak asey.
Etu Sikkim Chief Minister para Bhaichung Bhutia laga electoral track record ke criticize kurikina koisey ki tai tu bisi jag ate bisi baar harisey.
CM Tamang para Sports te Bhaichung Bhtia laga contribution ke acknowledge kurisey aro Bhaichung Stadium banaikina complete kora ke bi acknowledge kurisey, etu project tu poila laga government para suru kurisiley. Tamang para Bhaichung Bhutia laga opposition laga kaam ke khusi napa laga jataisey jaiseki Sikkim Premier League kuntu ke jawan football talent ke nurture kuribole laga aim para banaisiley.
Ageybarikina, Sikkim Chief Minister Prem Singh Tamang para Bhaichung Bhutia para poila te Sikkim Democratic Front (SDF) aro taikhan laga leader Pawan Chamling ke criticise kora tu yaad dilaisey. Aro koisey ki Bhutia laga rajneetik kosis te ideological(vichar kora laga) consistency laga kami asey koikina suggest kurisey.
Add Comment