Gangtok, January 29 : Sikkim Congress President Gopal Chhettri para 50 party workers logotey, January 28 te Jalpaiguri aro Siliguri te Bharat Jodo Nyay Yatra join kurisey. Taikhan para Rahul Gandhi logotey ek sath khara thaka tu janaisey aro Rahul Gandhi laga message Sikkim te loijabole kosom khaisey.
Senior Congress leader Jairam Ramesh para etu Yatra laga sideline te media ke kotha kurikina Congress party para Sikkim ke affect kora dangor mamla ke address kuribole nimitey nihilikina committed asey koikina janaisey.
Ramesh para etu wapas dohraisey ki Congress party tu Article 371F under te Sikkim laga unique identity ke bachaikina rakhibole nimitey taikhan laga saath asey. Tai para 1972 Tripartite Agreement, Old Laws of Sikkim aro 36th Amendment Act ke yaad rakhibole laga jarurat tu janaisey kuntu para Sikkim ke India logotey kuridiya tu formalize kurisey.
Etihas te anyay huwa tu thik kuridibole nimitey kadam uthaikina, Congress party para Sikkim Legislative Assembly te 17 general sear te Nepali community nimitey reservation wapas anibole kosom khaisey.
Congress party para Supreme Court laga ekta faisla logotey Sikkim Legislative Assembly te Limbu aro Tamang community nimitey reservation seat dibole kosom khaisey.
