Gangtok, April 08 : Sikkim laga poila laga CM Pawan Chamling tu meeting attend kuribole jai thaka homoitey Krishna Golay para patha Sikkim Krantikari Morcha (SKM) laga supporter khan para taikey hamla kurisey. Namchi Bazar te puja kora picheyte, Pawan Chamling tu Monday din te Kishan Market te hobole thaka ekta meeting attend kuribole jai thakisey.
SDF para ekta press release kora te enaka koisey, “Rasta te, SKM party laga ekso opor supporter khan para Shri Pawan Chamling ke rokhaikina taikey maribole aro suffocate(saas lobole mushkil kuridibole) kosis kurisey. Taikhan para Shri Pawan Chamling ke gherikina taikey bisi diri saas lobole mushkil kuridisey. Aro police aro etu ghotna huwa tu dikhi thaka manu khan eku bi kuribole naparikina thakisey.”
“Nasseb bhal thakikina, SDF supporter khan para SKM laga gunda khan ke pichey dhakaidibole parisey. SKM laga gunda khan para SDF supporter ke ekdam biya para hamla kuribole suru kuridisiley, kuntu te maiki khan bi thaksiey. Taikhan ke bisi biya para marisey aro hospital te loijaisey.”
“Etu tu democracy laga murder kora laga asey kotey opposition party laga candidate khan tu risk te asey aro hodai din Golay laga gunda khan para attack hoi asey. SDF party para Golay laga etu aggressive aro criminal tactic ke condemn kuri asey kun government te eku post bi dhuribole fit nai.”
Add Comment