April 28, 2021. Sikkim Governor Ganga Prasad ke Tuesday rathi COVID-19 positive thurishe, hoilebi tai toh olop din akhe tuita(2) COVID-19 vaccine dose loikena ase. Sikkim Governor logot olop mild symptoms thaka nemite tested kora te COVID-19 positive paishe. Itya tai laga halat toh bhal wala ase aro ghor te isolation te bohi ase. Sikkim Governor para koishe, tai logot kaun manuh contact thakishe njor test koriboli janaishe. Sikkim Governor Ganga Prasad para koishe, “ ami mild symptoms thakishe aro aji Covid-19 positive paishe. Kaun manuh ami osor te olop din akhe thakishe, nejor test loboli janai ase. Itya ami laga halat bhal wala ase aro ghor te isolation te bohi ase.” Etu samai Ganga Prasad laga maiki Kamala Prasad laga COVID-19 test result toh negative paishe. Sikkim te COVID-19 halat toh olop hafta para besi beya jai ase. Tuesday din Sikkim te notun COVID-19 cases toh 97 khobor thakishe aro ek jun manuh morishe. Itya Himalayan State te active cases toh 982 hoikena ase. Etu samai, Sikkim government para Government offices aro public sector undertakings (PSUs) toh 3 din nemite April 28 darik para April 30 darik dak bondh thakiboli junaishe.
