Sikkim, 14 October : Sikkim laga Lok Sabha MP, Indra Hang Subba, aji New Delhi te National Highways and Infrastructure Development Corporation Limited (NHIDCL) laga Chairman aru Managing Director logot meeting korise National Highway-10 (NH-10) bisare, kuntu Sikkim ke desh laga baki hissa logot connect kore ekta dangor lifeline.
Meeting te, Subba concern express korise highway te bar-bar damage aru disruption hobar karone, kuntu logote manuh aru essential supplies movement frequently affect hoi. Tai urgent long-term measure lagibo buli highlight korise kutey state laga connectivity uninterrupted aru reliable hoi.
MP NH-10 laga notun alternative alignment proposal bisare question korise aru NHIDCL ke DPR (Detailed Project Report) preparation aru approval expedite koribo laga request korise. Tai aru suggest korise ki existing alignment te vulnerable stretch identify aru strengthen koribo, kutey next monsoon season te landslide prevent hoi.
Respond kori, NHIDCL laga Technical Director janai dise ki corporation plan korise viaduct aru steel structure construct koribo jate recent monsoon te affected landslide-prone area bypass hoi, aru target ase next monsoon suru hobar age itu kam complete koribo.
Subba aru request korise additional machinery aru manpower deploy koribo kutey road resilience enhance hoi aru NH-10 te travel smooth hoi.
Meeting conclude hoise CMD assurance logot ki NHIDCL necessary step lobo issues solve koribo aru Sikkim aru desh laga baki hissa logot overall connectivity improve koribo karone.
Add Comment