Gangtok, January 4 : Northeast laga rajya Sikkim tu New Delhi laga Bharat Mandapam te thaka Department of Promotion of Industry and Internal Trade (DPIIT) para diya suru kora One District One Product (ODOP) Award te 3rd position paisey.
Aatmanirbhar Bharat Utsav aro National One District One Product (ODOP) Awards Ceremony ke Hon’ble Minister of External Affairs Dr S. Jaishankar para Hon’ble Minister of Commerce and Industry Shri Piyush Goyal laga mojudgi te inaugurate kurisey
Etu award ke IAS, Secretary, Commerce and Industries Shri Karma R Bonpo para Sikkim laga behalf te receive kurisey. Etu ODOP Award tu Sikkim laga Chief Minister Shri Prem Singh Golay laga “One Family One Entrepreneur” laga vision te kamyabi hasil kora laga sabut asey. Sikkim te local ODOP bustu khan ke promote kuribole nimitey Sikkim laga sarkar laga Skilled Youth Startup Scheme laga under te bisi entrepreneur(business suru kora manu khan) ke komti interest rate te loan disey.
Department of Commerce and Industry, Government of Sikkim para Sikkim laga bustu khan laga branding aro marketing kuribole nimitey aro desh aro international(dusra desh) khan laga market te locally bana saman khan te kamyabi hasil kuribole dibo nimitey bisi alag alag tarika cholaisey. Etu Department para agey barikina World Bank para poisa fund kora Sikkim Inspires Project under te ODOP product khan ke promote kuribole nimitey nutun initiative khan launch kuribole asey.
Department of Promotion of Industry and Internal Trade (DPIIT) para ODOP Award diya laga suruwat tu utu manu khan ke somman dibole nimitey kurisey kun khan para nijor laga district, rajya aro dusra desh te International Mission te ODOP laga tarika cholaikina economic development hasil kora te ekdam alag kamyabi hasil kurikina dikhaisey.
Add Comment