Gangtok, May 24, 2026: President Doupadi Murmu toh May 26 te Sikkim te ahe bole ase, aro tin din karne buhe bole ase. Tai Sikkim University laga seventh convocation ceremony te jabole ase.
Tai Nathula te jabole ase koi she officials khan para. Tai khan laga hesab te, President toh Gangtok laga Libing Army helipad te para ahe bole ase, May 26 laga sam phane. Aro utu din te he tai Lok Bhavan te jabo, aro etu piche te Nampgyal institute aro Orichidarium te jabole ase.
May 27 te, tMurmu toh Nathula te jabo, India-China laga border te, aro etu piche te tai, Sikkim University laga convocation ceremony te jabo. Officials khan para koi she President toh Sikkim Police khan laga parade te jabole ase, aro May 28 te wapas jai jabo.
