Gnagtok, November 2 : Sikkim laga ekta college laga student leader Padam Gurung mora laga case tu etya ekta akha nokora laga turn loisey kilemaney etu case tu etya officially accident para mora laga asey koikina classify kurisey.
Etu khobor nimitey etu mamla ke jaanch kuri thaka investigationg officer Sidharth Subba suspend hoijaisey aro Superintendent of Police (SP) Manish Kumar Verma ke etu case te supervise kuribole nakamyab huwa nimitey ekta show-cause notice issue kurisey.
Etu nutun mamla samne aha tu Justice(nyay kora manu) Narendra Kumar Jain kun High Court of Sikkim laga poila laga Chief Justice thakisey tai para etu case te ekta judicial inquiry kurikina result pa tu submit kora picheyte asey. Etu inquiry tu Padam Gurung achanak para murija laga mamla te jaanch kuribole nimitey banaisiley. Padam Gurung tu Sikkim laga Namchi District te thaka Kamrang koikina ekta jag ate thaka Sikkim Government College laga ekta Student Representative Council (SRC) thakisey.
Duita dangor briefcase te etu case laga inquiry kora laga natija bhorta kurikina thaka inquiry report tu Sikkim laga Chief Minister Prem Singh Taming te tai laga Mintokganga te thaka ghor te disey.
Chief Secretary V.B. Pathak aro Secretary of the Law and Parliamentary Affairs Department, Suraj Chettri, Justice Jain para Padam Gurung laga unnatural death laga akhri report hand over kurisey. Etu student leader murija para rajya te gorom discussion suru hoisey aro public khan bi etu mamla te interest uthaisey aro enaka kurikina Padam Gurung tu kinaka kurikina murisey etu bisarikina olabole nimitey one-man judicial commission banaisey.
Add Comment