Sikkim te educational institutions April 20 dak bondh

April 13, 2021. Sikkim government laga order hesab te Sikkim te educational institutions,  government office, government-aided aro private kam kora jaga toh April 12 para 20 darik dak bondh thakibo. Etu nemite Sunday din te additional chief secretary to education department Sikkim, GP Upadhyaya para order toh junaishe. Order te koishe, “sob categories laga officers aro employees aro teaching aro non-teaching manuh government, government-aided aro private educational institutions Sikkim te aro kaun 45 umer oper manuh khan toh Covid-19 bemari nemite compulsorily vaccine lobo,” koishe. Etu officers aro employees khan ke vaccine loboli kamyaab nemite department of education para educational institutions bondh koriboli fesla korishe. Order para aro koishe, CBSE examinations nemite ke kam ase April 20, 2021 darik beche te CBSE Centre Superintendents para kam toh korikena jaboli”. Hoilebi, etu samai online education toh jai thakibo, koikena order para aro janaishe. Etu samai, Sikkim chief minister PS Tamang toh Sunday din STNM Hospital Covid19 vaccine laga 1^st dose toh loishe. Tai laga maiki Krishna Rai, ministers aro dosura 5 jun officers khan be Covid-19 vaccine toh loishe. Sikkim chief minister para Sikkim manuh khan ke Tika Utsav (festival of vaccine) samai join koriboli janaishe. Sunday din Sikkim te notun 54 Covid-19 cases thurishe aro etu samai 1 jun etu virus bemar para bhal hoishe. Notun cases thura nemite, sob melaikena Sikkin te Covid19 positive cases toh 6,405 hoikena ase. Itya dak Sikkim te 169 active Covid19 cases hoikena ase.