Sikkim te landslides

GANGTOK | September 14, 2018:Sikkim te bishi paani giri ase Sunday pora ,Etu pora bishi jaka khan biya kuridishe .Aro khobor paa hisaab te Dzongu, Mangan, Lachen, Mangshilla aro dusra jaka khan te mati girishe .Mangan laga district Headquaters bi biya hoijaishe Gangtok pora Ambithang te mati gira nimete . Ambithang jhora bishi biya pora giri ase aro culverts khan bi biya hoishe .Magan pora Changthang jaa raasta bi bondh hoishe  bridge toh Paani pora luijaikena Rafong   Khola te . Mangan-Chungthang road te bi bishi biya hoikena ase aro Toong osor te bona nutun Bailey bridge bi  biya hoishe . Dzongu laga raasta khan bi biya hoikena ase mati khan girikena  . Upper Dzongu laga pura jaka toh  biya hoishe Mantam lake osor te mati girikena .Etu paani aro mati gira pora komti hoilebi fifty ghor nishena aro kunba ghor khan district laga biya hoishe.Rafaong jhora osor te thaka ghor laga situation toh  bishi dikdaar te ase mati khan gira toh hudai huwa karne .etu jaka laga manu khan khatara  te thaka toh tai khan ke ghor bodli kuribi koikena janaishe . District collector Karma R.Bonpo Mangan aro Dzongu, laga  sub-divisional magistrates logote , DPO DDMA aro   Police personnel SNT chairman Pintso Namgyal logote Mangan, Mangshilla, Dzongu te survey kurishe  etu situation kinika ase saidibole karne . district administration khan etu situation khan sai ase aro relief aro rescue measures khan dibole kosish kuri ase .Northern district laga schools khan ke bondh kuribi koikena janaishe  kali   students khan thik thakibole  karne.