Sikkim te May 16 dak partial lockdown

May 8, 2021. Sikkim te COVID-19 cases besi othi-thaka nemite lockdown neshina restriction toh May 16 darik para soruh koribo, koikena official order te junai thishe. Etu restriction oper te prohibitory orders Section 144 CRPC pithor te thaka toh be Thursday din para soruh koribo, koishe. Rangpo, Melli aro Ramam borders toh bondh thakibo aro etu borders points osor te thakai manuh khan nemite peraboli 10 din bondh koribo. Inter-states pithor te aha-jowa toh be restricted thakibo. Etu partial lockdown thaka samai, Army, police, medical emergency aro essential commodities bokai gari toh bondh nathakibo. Public jama koriboli neshina weddings be etu samai bondh thakibo. Funerals aro dosura emergencies kam nemite permits toh Block Development Officers aro SDMs, para issue koribo, koikena order te janaishe. State pura te business kam toh 10 am para 4 pm dak kulibo aro hotai Saturday aro Sunday bondh thakibo. Pharmacies, saman dukan aro milk dukan toh kulibo. Etu curfew toh 5 pm aro 9 am dak thakibo, koikena order hesab te janaishe. Government offices toh be May 16 darik dak bondh thakiboli janaishe.