Gangtok, March 6 : Union Railway Minister Ashwini Vaishnaw para March 6 te koisey ki rajya te 5G tu etu saal 15 August agetey chola suru hobo.
Tai para etu kotha tu Samman Bhawan Gangtok te ‘Go Green, Go organic’ laga Special Postal Cover release kora laga program te kotha kora homoitey koisey.
Sikkim tu ekta Organic state asey koikina naam pa nimitey Union Railway Minister para March 6 laga morning te Samman Bhawan Gangtok te Go Green Go Organic laga special postal cover tu khulisey.
Vaishnaw tu ‘Go, Green, Go Organic’ laga special postal cover launch kuribole karney Sikkim te March 5 te pungchisey. Aro tai rajya te aha homoitey Sikkim ke desh laga baki jaga khan logotey connect kora Sevoke to Rangpo laga bich te thaka Rail link ke bi check kurisey.
Tai para Sevoke te railway junction laga tayari kora tu bi check kurisey. Aro officials khan ke etu junction ke Gateway to Sikkim(Sikkim te ja laga rasta) banabole instruction disey.
Etya tak tu Sikkim tu rasta (NH 31A) para he jurikina asey. Aro etu rasta tu rangkhang rasta ke par korey aro pani gira laga season te bisi diktari hoi.
Barikina thaka traffic demand para etu rasta te bisi pressure dhaley aro rasta tu joldi barbad hobole laga chance banaidiye. Aro journey kuribole bi diktar asey. Hoilebi etya train laga rasta bana para etu jaga te ekta aram para journey kuribole para laga subidha dibo.
Etu project tu ahibole homoitey Gangtok aro etu pichetey Indo-China Border (Nathula Pass) logotey juribole karney bisi jaruri asey. Aro hathyar khan laga jarurat bi pura kuribole ekta jaruri kaam kuribo.
Etu opor te Ashwini Vaishnaw para Sunday (March 5) te koisey ki Lachung busti ke Centre laga ‘Vibrant Village Programme’ laga under te chunikina asey. Etu programme laga under te asli dhyan tu dusra desh laga border te thaka busti khan te infrastructure develop kuribole laga thakisey.
Etu Sikkim te 3din laga visit kuribo nimitey aha Lachung tu north Sikkim laga Mangan District visit kuribole asey.
Add Comment