Sunday, October 5 – Sikkimese filmmaker Tribeny Geeta Rai laga debut film, Shape of Momo, international te bishi recognition paishe aru 30th Busan International Film Festival te duita award jiti loishe. Film toh Taipei Film Commission Award aru Songwon Vision Award Vision Section te paishe, juntu film storytelling aru cultural depth te bhal hoa karone appreciate kurishe.
Shape of Momo toh Bishnu, ekjon young woman laga story ase, juntu tai job chari kina, tai Himalayan gaon te wapas jaishe. Tai gaon te ja pichete, tai laga family expectation aru society pressure handle koribo lagishe. Film-toh tradition, independence aru women laga personal aspiration aru cultural expectation balance koribole challenge khan explore kore. Tribeny Geeta Rai, juntu Nandok, East Sikkim, para ase, tai personal experience aru rural area te women challenge inspiration loi kina film banai she.
Busan Film Festival te etu success film growing recognition aru award list te add kurishe. Aage, NFDC Film Bazaar Work-in-Progress Lab te top prize paishe aru Hong Kong-Asia Film Financing Forum (HAF) Goes to Cannes Hong Kong International Film Festival te recognize kora hoishe.
Etu recognition Tribeny Geeta Rai laga talent highlight kore aru Sikkimese cinema international spotlight te anishe. Film critics aru audience film authentic storytelling, strong performance aru social issue handle kuribole praise kore. Etu film Indian independent cinema te dangor contribution buli manai she.
Etu success logote, Tribeny Geeta Rai global cinema laga rising voice buli confirm kori dishe, aru future project khan te regional story aru universal appeal blend kuribole expectation high ase.
Add Comment