Agencies, 10 November: Sunday din Nagaland laga governor RN Ravi toh tai laga maike Laxmi Ravi logode ponjishe. Naga peace talks laga interlocutor aro Nagaland governor Ravi toh 13 par nemide lowah North East Inter College Invitation Debate (NERICID) deh speaker thakibole ase. Etu event toh Jyoti, socio, literary aro youth welfare organization para ola laga ase.
Silchar’s circuit house nemide agae naja agae deh governor Ravi ke toh district administration aro Cachar police para samaan dekena Kumbhirgram airport, Silchar deh welcome kora thakise.
Silchar MP Rajdeep Roy aro Jyoti laga founder member para be governor Ravi ke received kora thakise. Etu time deh tai koise, “Ami khan toh kushi ase debate laga finals time deh Nagaland governor toh ami khan laga speaker nemide thakibole. Tai aro koise, Jyoti’s quiz aro debate competition toh bang logode aro ek par korai ahishe”.
Tai para khobor janaideya toh, 40 opor teams toh ahishe. Etu khan sob toh pura Northeast laga ase. Teams khan toh IIM-Shillong, IIT-Guwahati, NEHU, Gauhati University, Dibrugarh University, Assam University, Gauhati Medical College aro NIT-Silchar laga ase.
Roy para be khobor janaideya toh, trophies ke chari kena jeta manu ke be prize money debole ase.
Tai koise, quiz deh first, second aro third prize jeta team ke Rs 50,000, Rs 30,000 aro Rs 20,000 debole ase.
Dr Roy koise, debate contest deh first, second aro third prize jeta khan ke prize money Rs 30,000, Rs 20,000 aro Rs 12,000 debole ase.
Hoilebe RN Ravi para tai Silchar deh ke karni ahishe eku kowah nai. Town deh ek rati thaga bechide Ravi toh Monday din Nagaland nemide charibole ase.
Add Comment