Ireland, 11 April ; Simon Harris toh 37 laga umaar dey Ireland laga sobse jawaan prime minister huishey. Tuesday dey, taike officially Dail (Irish parliament) laga members para taoiseach (Irish prime minister) nishna install kuri dishey. Tai para Leo Varadkar ke podli kurishey, kun ajanak para jaa mahina janai dishey ki tai nami asey. BBC laga hisab dey, Mr Harris laga nomination toh ekta decisive 88-69 vote para confirm kurishey, kitia independent lawmakers para support kurishey, aro coalition partners Fianna Fail aro Green Party para bhi.
Mr Harris toh itia centre-right party, Fine Gael laga head asey kuntu Fianna Fail aro Green Party logot coalition dey asey. Dail laga khota kuina, itu 37-saal para coalition government ke “unity, collaboration aro mutual respect” laga spirit dey lead kuriboleh kasam luishey. Tai itu bhi kuishey ki tai government toh ekta full term karney pulawo diwo mun asey.
Notably, Ireland dey ekta general election toh March 2025 dey luwoley asey. Huilewi, kitia four saal logot komti dey itu coalition government para third par karney taoiseach podli kurishey, opposition parties para early election karney mangishey.
Mr Harris toh bishi jawaan umar dey politics dey ghusishey. Tai Fine Gael laga youth wing dey 16 saal umaar dey join kurishey aro julti party laga ranks dey uthishey. Tai 22 saal laga umaar dey desh laga councillor thakishey aro 24 laga umaar dey parliament dey elect kurishey. Mr Harris toh Ireland laga former Health aro Higher Education Minister bhi thakishey aro Covid-19 pandemic laga shuruwat dey desh laga response dey motut kurishey.
Add Comment