Simona Halep arobe Dubai te bachise aro semi-finals te ponjishe

Dubai, 21 February: Top seed Simona Halep toh second straight din nemide nejite thaka othise. Tai Aryna Sabalenka logode khela te 3-6, 6-2, 6-2 para jetikena Dubai Championships semi-finals te ponjishe.

Halep toh 24 khonda agae te match point bachai kena Ons Jabeur ke knock out kora thakise. Tai koise, first set hara bechide speed toh othabo lakibo.

Romanian star toh final jaga nemide Friday din Jennifer Brady logode khelibo.

US qualifier Brady toh first round te third seed Elina Svitolina logode jeta manu ase. Tai para last-four jaga toh ninth seed Garbine Muguruza logode 6-7 (5/7), 6-3, 6-4 para jeta bechide loise.

Elena Rybakina para season-leading 18^th toh Czech Republic laga second seed Karolina Pliskova logode 7-6 (7/1) 6-3 para jetikena loise.

Rybakina toh Friday din Petra Martic logofr khelibole ase. Etu agae te Croatian eighth seed toh Estonia  laga Anett Kontaveit logode 7-6 (7/4), 6-1 para jeta thakise.