Kobe, Japan, 25 May : Simran Sharma, mahila laga 200m T12 event dey 24.95 seconds laga personal best time logot gold medal jitina India karney sixth yellow medal luishey, World Para Athletics Championships laga final din dey yatey Saturday.
Simran para tai agey laga 25.16 seconds personal best logot para one-fifth nishna second katishey gold jitishey.
Dominica laga Darlenys De La Severino (25.08) aro Lorraine Gomes De Aguiar (25.40) silver aro bronze respectively jitishey.
T12 category toh vision impairment thakia athletes khan karney asey.
India itia 15 medals (6 gold, 5 silver, 4 bronze) thakina standingsbdey sixth place dey asey.
Agey dey, India ke mot laga javelin throw F46 event dey silver aro bronze dishey, Sri Lanka laga second-place finisher Dinesh Priyantha Herath ekta protest jitia piche dey.
Rinku Hooda aro Ajeet Singh Friday dey third aeo fourth respectively khotom huishey mota laga F46 javelin throw final dey huilewi India para Herath laga khilaf ekta protest lodge kuria piche dey itu result rukhai dishey, kuishey tai toh itu category dey compete kuriboley ineligible asey.
Itu toh India laga sobse bhaal performance asey, agey laga record medal haul ke surpass kurina, 10 medals (3 gold, 4 silver and 3 bronze) kuntu Paris dey 2023 edition dey jitishey.
Add Comment