Sinai peacekeepers helicopter crash te morishe

November 14, 2020. Egypt’s Sinai peninsula laga 7 jun peacekeepers helicopter crash te morishe. Multinational Force aro Observers (MFO) para koishe ke, aircraft te tai khan 8 jun manuh thakishe. Tai khan routine mission jai thaka samai Sharm el-Sheikh osor te crash koishe. American manuh 5 jun, French 1 jun aro Czech 1 jun morishe koishe. Choi jun American manuh toh pachisghe aro tai ke medical elaj nemite loikena jaishe. Israel laga military khan para chaka te jaikena motob thishe koishe. Israeli and Egyptian officials para kowa kotha toh Associated Press para janai thishe ke, jokom kora American manuh ke loikena Israeli hospital te jaishe. MFO para koishe ke, kenaka hoikena crash korishe investigate loboli ase. Etai dak te crash kora khobor eku nai aro etu accident howa neshina ase”,“Egypt aro Israel para motob kora nemite ami khan besi kushi ase”. US President-junai,  Joe Biden para mora manuh laga ghor manuh logot mon dhuk howa janai thishe. Sinai peninsula chaka te Jihadist militants aro Islamic State group khan melikena besi ase koishe. Agae saal khan te be tai khan para Egyptian security personnel aro civilians manuh besi ke hamla korikena ase. MFO toh ekta independent international force ase. Tai khan toh Egypt aro Israel pithor borders saboli bona ase aro etu 1979 saal peace accord te tuita desh pithor te bonaishe. Etai dak te 13 countries para 1,154 military personnel khan etu chaka te ase. Sobse besi sepia toh US, Colombia, Fiji aro France para ase koishe.